有錢就身痕 第七期！遲咗開但一樣新奇！
繼續同大家介紹日本美妝盲盒 My Little Box~
第一次見My Little Box 咩嚟㗎
日本美妝盲盒 My Little Box 會係按月訂購同出貨的，每月訂閱價格¥3350。每個月會設定唔同主題，嚴選當季流行美妝同時尚配件、雜貨等，並以精美插畫包裹再寄畀訂購者嘅驚喜禮物盒。
佢哋已經有八年歷史，而且合作品牌都有一定嘅知名度，唔怕入面係普遍清貨福袋概念嘅雜牌產品 怕用壞人，亦大大減低咗買咗返去後唔實用 得個擺字嘅機會！
小編自上年九月開始訂閱幾期，倒數最後兩期為大家開箱，揭開廬山真面目(╯✧∇✧)╯
上期2月號回顧
https://www.gtm.hk/all/my-little-box-2023-feb/
3月號 before you sleep
My Little Box 3月號以 before you sleep 為主題。夜晚九點，當你完成咗一天嘅正事，由呢刻開始至入眠之前，係為聽日重置疲勞嘅夢幻時刻。聽日先繼續好好努力，所以不妨慰勞下自己 盡情享受此刻，令今晚嘅你有個好眠 祝君好夢…
鍾意今期嘅概念，要用咩方式去享受屬於自己嘅me time，今期就帶咗啲靈感帶我哋～
首先打開紙箱會有雪梨紙包裝，入面有用化妝袋裝住嘅本體同主題小冊子，以米白色同三文魚粉為主，打開後就係今期內容~
3月主題小冊子同樣列出咗產品詳情，其中介紹咗一啲喺屋企都可以做到嘅小運動，仲有一個Spotify放鬆歌單~
睇返單品嘅部份，第一件會有日本品牌 sitrana 積雪草夜間滋養面膜，日本定價3850円。成分採用積雪草提取物 喺睡眠期間修復由日常空氣污染所影響嘅乾燥皮膚，令人一起身就有明亮、緊緻嘅肌膚 (✪ω✪)
▲ made in Japan!
▲ 說明指每次使用兩粒珍珠大小嘅量就可以，無需沖洗。小編用落覺得唔會太黏𥹉𥹉，而且草本木香都幾出 (つ´ω`)つ
第二樣會有 Amélie洗面乳，呢個牌子都係My Little box 經常會見到嘅品牌～
屬於凝膠質地嘅洗面乳，主張可以去除多餘皮脂同老舊角質，調理肌膚，朝早化妝前或者夜晚卸妝後使用都可以。有淡淡薰衣草香味。
第三樣係日本品牌 HOT TAB 中性碳酸氫鹽泡澡錠，品牌主張浸熱水浴時經皮膚中嘅吸收率會平時高出42倍，入浴劑中嘅中性碳酸氫根離子可以增加天然碳酸泉功效，增強皮膚屏障功能。
標榜配方成分溫和 適合所有年齡段人群，唔理係BB定老友記 不論季節都一樣啱用。每天使用身心清爽～
▲ 紅色包裝嘅會係WELLNESS款，高濃度嘅碳酸氫鹽可以增加熱水浸浴嘅效果，增加血液循環 強身健體；
藍色包裝 RECOVERY款增加咗精氨酸同甘氨酸，專門針對運動員或者身體較疲勞嘅時候，可有效促進肌肉疲勞恢復。
▲ 另外仲有詳細介紹單品同品牌嘅小單張，背面會係今期嘅花紋，同之前一樣可以用嚟做手賬拼貼材料～
嚟到My Little Box 自家出品，每次盲盒都會加入1 – 3件自家出品，多數以雜貨飾品為主。
今次先嚟有呢個一開就見到嘅米白色窩夫格紋化妝袋，由 100%再生棉製成，質地都幾挺身。大約有一隻手撐到最大時咁大，容量都相當之夠，日常出街或者旅行時用都好方便～
▲ 拉鍊係一個斯文結仔
▲ 裏面係淡粉色嘅圖案，成日覺得好似三文魚腩。
另一件會係木製髮梳d(`･∀･)b 木梳面一面印有 My Little Box 自家logo，另一面印住「Quelle beauté!」，解法文嘅「靚爆鏡啊！」。
以往收到過咁多嘅化妝品，就嚟試都試唔切 (✘﹏✘ა) 今期產品比較多係放鬆向或者日常都用到嘅小物 ，調劑下生活。
下期4月號嘅主題好似都會好放鬆，一齊享受呢個悠閒嘅春天！今個月你都辛苦了 下個月見～
My Little Box 日本官網
https://www.mylittlebox.jp/
My Little Box 2023年3月號盲盒內容－官方發佈版
https://www.mylittlebox.jp/box/before-you-sleep
日本其他網站 | 人手報價
https://www.gtm.hk/shop/mxj/
