有錢就身痕 第八期！
繼續同大家介紹日本美妝盲盒 My Little Box~
第一次見My Little Box 咩嚟㗎
日本美妝盲盒 My Little Box 會係按月訂購同出貨的，每月訂閱價格¥3350。每個月會設定唔同主題，嚴選當季流行美妝同時尚配件、雜貨等，並以精美插畫包裹再寄畀訂購者嘅驚喜禮物盒。
佢哋已經有八年歷史，而且合作品牌都有一定嘅知名度，唔怕入面係普遍清貨福袋概念嘅雜牌產品 怕用壞人，亦大大減低咗買咗返去後唔實用 得個擺字嘅機會！
小編自上年九月開始訂閱幾期，今期會係最後一期為大家開箱，揭開廬山真面目(╯✧∇✧)╯
上期3月號回顧
https://www.gtm.hk/all/my-little-box-2023-mar/
4月號 Life in Harmony
My Little Box 4月號以 Life in Harmony 為主題。
春天以萌芽草木通知我哋：新季節到來喇！呢刻環顧四周，生活充滿了美麗同歡樂，將人心與自然聯繫起來 讓我哋演奏出生命嘅和諧。
清新而有活力嘅春天！今期都係以紙箱包裝，帶畀我哋嘅主要係護膚品同小雜貨，包裝係小清新嘅木色同青綠色，一齊打開睇睇~
4月主題小冊子同樣列出咗產品詳情，仲介紹咗可以喺室內迎接春天 種植新手都一樣啱種嘅長春藤(Ivy)、龜背竹(Monstera)、絲蘭(Yucca)~
▲ 單張仔繼續介紹今期品牌同預告下期優惠～
睇返單品嘅部份，一打開布袋就見到大大罌嘅 DEW Clear Clay Fondue 薄荷鼠尾草香氛皂泥膜，90g 貨裝尺寸，日本製造，官方售價係¥3080。
標榜可以溫和清除造成黯沉、粗糙感嘅老廢角質，令肌膚再現柔滑、提亮一階。清爽中感受安穩感的薄荷芳香。
好細心咁附埋一隻挖勺，說明指卸妝後挖兩匙去按摩全臉，靜置2至3分鐘，再以清水洗淨就ok，後續唔使再用洗面乳洗。
用完確實唔乾燥，但會覺得有一層膜喺皮膚面，以清潔mask嚟講會認住好似未洗乾淨咁(´Ａ｀。) 聞落真係好重薄荷味 好清新，小編都幾鐘意薄荷就覺得幾正，如果唔係嘅話有機會覺得味道太濃～
第二盒係 immuno advanced glow cream ，官網定價要成¥7150，本已回。
日本牌子immuno 主打使用天然精油，標榜含有98% 天然成分，質地緻密不粘膩，清爽調理肌膚，淡化因乾燥引起嘅細紋，保持飽滿緊緻肌膚。建議喺晚上使用嘅面霜。
▲ Made in Japan！同樣附埋一隻小挖勺，說明指每次拎一粒珍珠大小嘅量就可以搽到全臉，咁呢罐相信都可以用到一般長時間 (･ω´･ )
第三件有 M.A.C 唇膏，隨機色號收到 SEE SHEER TOKYO 珊瑚橙色。
嚟到My Little Box 自家出品，每次盲盒都會加入1 – 3件自家出品，多數以雜貨飾品為主。
4月春天開始新生活，很多人可能會選擇改變生活方式，或者嘗試新嘅愛好。你可以喺呢個Market List上寫底想要做嘅目標 或當天嘅待辦事項清單，咁就應該可以輕鬆地做到想做嘅事 (ゝ∀･)b
背後成面都係磁石貼，方便日常貼喺雪櫃提醒自己同屋企人要買嘅嘢或者食譜，仲要都幾夠力唔怕好易就甩！
第二件會係一隻白雲石碟仔，中間有三個窿仔，都幾墜手(๑ơ ₃ ơ)
小冊子指可以用嚟放番梘，或者放飾物嘅碟仔，反轉佢仲可以插住線香，都幾實用同靚～
▲ 放喺洗手間放一啲小物相信都好方便～
今期產品唔算多，但件件都係貨size，而且收到嘅品項都相當實用，都算係完滿地告一段落 (づ′▽`)づ 今個月你都辛苦了～
訂咗美妝盲盒之後覺得時間過得好快，八期八個月原來眨下眼就過( ˘･з･˘) My Little Box嘅開箱文係小編私心好奇而開始嘅企劃，盲盒真係令人又驚又喜，其中令屋企多咗一部分嘅小廢物，亦都有發掘到唔少之後都會想回購嘅美妝好物，例如12月號嘅shu uemura 卸妝油 同1月號嘅Embryolisse 保濕霜，雖然不嬲都有聽過好評，但真係用落先知道適唔適合自己 會有想再買嘅諗法，所以覺得大家心動嘅話真係可以小試幾期！
希望大家都會鍾意呢類型嘅開箱，小編之後會繼續為大家開箱更多有趣治癒嘅小玩意 密切期待(´▽`ʃ♡ƪ)”～
My Little Box 日本官網
https://www.mylittlebox.jp/
My Little Box 2023年4月號盲盒內容－官方發佈版
https://www.mylittlebox.jp/box/life-in-harmony
日本其他網站 | 人手報價
https://www.gtm.hk/shop/mxj/
