【開箱】My Little Box 2022年 12月號

2023-02-01
Posted by 雪梨

31 12 月

有錢就身痕第四期！
繼續同大家介紹日本美妝盲盒 My Little Box~

第一次見My Little Box 咩嚟㗎

日本美妝盲盒 My Little Box 會係按月訂購同出貨的，每月訂閱價格¥3350。每個月會設定唔同主題，嚴選當季流行美妝同時尚配件、雜貨等，並以精美插畫包裹再寄畀訂購者嘅驚喜禮物盒。
佢哋已經有八年歷史，而且合作品牌都有一定嘅知名度，唔怕入面係普遍清貨福袋概念嘅雜牌產品怕用壞人，亦大大減低咗買咗返去後唔實用得個擺字嘅機會！
小編自九月開始訂閱幾期，嚟緊幾個月都會為大家開箱，揭開廬山真面目(╯✧∇✧)╯

上期11月號回顧
https://www.gtm.hk/all/my-little-box-2022-nov/

12月號 Make a wish

My Little Box 12月號以 Make a wish 為主題。整個小鎮都沉浸於節日氣氛中，大家一齊準備送畀愛人嘅禮物同畀自己嘅獎勵！

冬天衫終於有佢嘅登場機會，今期帶畀我哋嘅會有化妝小sample同以滋潤保濕為主嘅產品以及日常小雜貨，包裝直接就係佢嘅自家出品首飾盒，短絨質地摸落好舒服(づ′▽`)づ酒紅色都好有冬日感覺，容量方面除咗日常嘅耳環頸鏈外，裝埋大小小嘅手鈪手錶都應該不在話下~

▲ 入面扣耳環嘅扣帶仲整埋耳針小窿方便固定！

12月主打有人氣品牌shu uemura，先嚟女士們常用嘅唇膏，有 Rouge Unlimited 無色限系列嘅五個款式隨機派送一款。
今次收到嘅會係Hello Kitty聯名款 Rouge Unlimited Kinu Satin唇膏，標榜加入咗日本山茶花精油滋養成分，而且有檜木嘅獨特香氣。

▲ 膏體會係以多角面設計，唇角唇峰位置都容易搽到

▲ 色號KS RD 188 red high heels，質地好潤易推開，但小編日常未必會用到咁有氣場嘅顏色 (｡í _ ì｡) 可能就要等到大時大節或者特別場合

同樣來自shu uemura 嘅會有 botanicoil 植物性潔顏卸妝油，shu uemura出名嘅除咗眉筆之外仲有卸妝油，呢款botanicoil 蘊含9 種植物精油配方，敏感肌膚都適合使用，可以有效溫和卸淨持久彩妝，防水眼妝及多餘油脂污垢。
香港正價價格會係賣緊$410/150ml，平時未必會捨得用呢個價錢買唔肯定效用嘅產品，但而家拎到細細支試一試就啱啱好～

▲ 大細同一粒Soil Freshen差唔多，50mL看似細支，但每次用量唔使落好多所以應該都可以用到一段時間的！

靜靜雞植入式(〃∀〃) Soil Freshen 可以除臭又得意，長期可以訂購～
https://www.gtm.hk/shop/soil-home/

▲ 啱啱試嘅唇膏如果嘗試用紙巾抹走會變到左邊咁，化開晒但仍然係唔甩(｡ŏ_ŏ) 試咗落少少shu uemura 卸妝油，捽咗一陣加水乳化後再抹已經乾淨晒，咁快可以清得咁乾淨真係不負佢嘅好口碑～

第三件會有Amélie masque visage éclat 修護面膜，其中白泥可以去除老舊角質同污垢，同時加入有機蜂蜜成分作為保濕及舒緩皮膚，鎖住皮膚水分，增強皮膚光澤感，敏感肌膚都啱用。
打開嘅時候第一下覺得顏色好似粉底，第一下用落未覺得有好大嘅效果，而且氣味好濃搽上面嘅時候唔係咁習慣，但敷住嘅之後就好似還好～