各位山系男孩女孩請注意！！秋高氣爽就梗係要露營野餐 感受一下在森林和原野是多麼的逍遙～
孭起個大背囊準備gogogoヽ( ° ▽°)ノ 但新手們想體驗露營嘅話 其實到底要準備啲咩呢？
一向上山下海嘅小編都算係有少少心得，一於同大家分享下啦！
機會留畀有準備嘅人 露營留畀有場地嘅人
如果打邊爐最緊要係個爐，咁相信露營最緊要係個場。
小編大大力推薦「貝澳營地」，地點位於大嶼山貝澳泳灘隔離。營位面向無敵大海境，而且有埋燒烤爐設施，可以睇住日出日落BBQ，可謂人生一大樂事！
不過可惜嘅係康文署公共營地由於疫情關係繼續暫時關閉，要再等候另行通知(´;ω;`)
裝備L：充足嘅裝備係成功嘅一半
帳篷
帳篷依據人數多寡決定大小 (｡◕∀◕｡)
如果一家大細四個人建議可揀再大一啲，去到晚上時背囊或部分用品為咗安全起見 其實最好都係放返入帳篷內，而帳篷是否通風、輕重、收納後大唔大嚿 可以收入背囊定一定要手拎，都會係重要考慮項目。
天幕
無論喺明日戰記定喺露營中，天幕都未必係必須嘅，但如果露營時間長或者選擇嘅營地地點係冇樹蔭、比較空曠嘅話，咁就好需要天幕去為你遮陽避雨～
另外過完夜之後早上會有晨早露水喺帳篷嘅表面，有天幕嘅話就可以更好地隔絕霧水
不過記得喺夜晚要再檢查係咪已經綁好天幕，如果唔係喺深夜就有機會俾大風吹走咗(((ﾟдﾟ)))
便攜桌椅
香港康文署營地有部份係附有埋公眾使用嘅木枱，長木凳及燒烤爐設備 ( °▽°)┳━┳
可以事先搜索一下營地有嘅設施，再根據有冇把握可以搶到有利位置 而決定要唔要自行帶埋便攜嘅檯。但露營凳會坐得舒服好多，大大提升露營舒適度，坐住私家凳仔飲住早晨朱古力，多麼的chillヾ(●´▽`●)ノ建議露營凳係必需帶的～
露營照明設備
燈都係必需的( • ̀ω•́ )
大部分營地一到入黑就只有普通街燈好疏落咁散落喺荒山野嶺，甚至係冇任何照明設備，尤其秋冬早入黑，如果唔係預一天黑就瞓覺嘅話 建議都係需要準備照明用嘅手電筒同營燈，咁就唔怕三更半夜去weewee睇唔到路啦～
除咗穩陣嘅室外硬件之外，舒適嘅室內配件都好重要㗎(✪ω✪)
睡袋
野外露營最不可或缺嘅就是睡袋，
因為山上或營地日夜溫差大，帶個輕巧、透氣但又保暖嘅睡袋可以保障第二日繼續有足夠精力繼續玩～
睡墊、充氣床墊、枕頭
露營活動日間體力消耗頗大，所以舒適嘅睡墊或者充氣床墊都係重點選購裝備之一！
同樣需注意收納後大小，一般露營瞓覺都會瞓瞓下唔知枕頭去邊，因為露營床墊質地一般都比較跣 (*’ｰ’*) 小編強烈建議揀連埋枕頭嘅床墊款式，咁就唔怕第二朝起身瞓捩頸啦～
鋁箔防潮墊
用嚟舖喺帳篷最底層嘅鋁箔防潮墊，可以阻隔地面濕氣 亦都有助保暖，舖咗之後再放返睡墊或充氣床墊，令野營睡眠更加舒適。
其餘仲有一啲零碎物件都係露營必備嘅～
便攜充電器
通常照明嘅燈都會比較食電，如果你準備嘅燈及用於充氣嘅電泵都係可以USB充電嘅話，非常建議帶定較大容量嘅尿袋，以備不時之需！
卷紙巾、濕紙巾、薄身快乾毛巾
喺營地或郊外地方一般都唔預會沖涼，就可以用快乾毛巾簡單抹身，另外帶埋卷紙巾同濕紙巾就方便清潔同食嘢使用。
如果幸運地附近係沙灘嘅話可能會有沖身設施，但記得留意開放時間～
廚具餐具
平時都比較少機會見識到朋友或者伴侶嘅廚藝，襯住露營不妨一試！
要攜帶嘅嘢除咗食材之外包括有卡式瓦斯爐、鑊煲、碗、筷子、杯、耐熱食物夾，小編好多時都會用埋杯去代替埋碗，咁就可以洗少隻又冇咁佔位啦～
另外想有啖好食又容易清潔，就偷偷地拎媽媽最細嗰隻易潔pan去啦↜(#｀∀´)_Ψ 至少包保手殘都煮到熟嘢同容易啲清洗，輕鬆一齊體驗下真人版Overcooked！
除咗GAS爐外，其實而家仲有一啲便攜焚火台都方便大家帶去露營，不過記得要擺放喺安全位置先至使用～
▲ 呢款入面跟埋一個燒烤網，只需要收集乾松果或者枯枝、或者自備炭火燃料就可以做小型燒烤爐，簡單滿足戶外野火體驗！
Keep Camping Wood Stove Mini Brazier｜$229 – $299
訂購連結：https://www.gtm.hk/shop/keep-mini-camping-brazier/
要帶晒碎濕濕嘅砂煲罌罉出行都唔係易事，最好係一個大袋大箱收納晒，要用嘅時候可以一次過拎出嚟同帶走！
▲ 日本人氣露營品牌DOD同雜誌合作推出附錄，呢款收納箱可以疊高又可以摺起，而且仲有手挽位方便帶去露營野餐，唔用嘅時候放喺屋企用嚟整理物品都得㗎～
DOD Outdoor Series Folding Box｜$119 – $199
訂購連結：https://www.gtm.hk/shop/dod-outdoor-series/
▲ 同樣係DOD出品，帳篷造型嘅收納袋仔用嚟放露營餐具，外貌同實用並重 ♥(´∀` )
DOD Outdoor Series Mini Tent Pouch｜$109
訂購連結：https://www.gtm.hk/shop/dod-outdoor-series/
防曬、防蚊蟲用品
營地荒山野嶺養出嘅蚊蟲真係非一般咁毒辣，所以大家記得記得一定要帶蚊怕水，如果人多嘅話可以考慮帶埋蚊香，但同樣要留意擺放咗喺安全位置先使用！
緊急護理包
小編多數會帶大細膠布、消毒噴霧、必理痛同腸胃藥( ˘•ω•˘ )理想嘅當然希望唔會用得着，但最好出發前先準備好自己常用嘅藥物，以防山上嘅突發情況。
垃圾袋
露營必須酒……係講緊露營垃圾必須帶走啊！郊外地方一定要有公德心喔，自己垃圾自己帶走！
齊全嘅裝備固然重要，但露營最緊要嘅安全，希望大家無論眾樂樂定獨樂樂，都可以暫時除罩深呼吸 享受大自然嘅美好，露營樂悠悠！
