有錢就身痕 番外第九期！唔小心訂閱多咗期 所以額外開箱多一期ヽ(●´∀`●)ﾉ
繼續同大家介紹日本美妝盲盒 My Little Box~
第一次見My Little Box 咩嚟㗎
日本美妝盲盒 My Little Box 會係按月訂購同出貨的，每月訂閱價格¥3350。每個月會設定唔同主題，嚴選當季流行美妝同時尚配件、雜貨等，並以精美插畫包裹再寄畀訂購者嘅驚喜禮物盒。
佢哋已經有八年歷史，而且合作品牌都有一定嘅知名度，唔怕入面係普遍清貨福袋概念嘅雜牌產品 怕用壞人，亦大大減低咗買咗返去後唔實用 得個擺字嘅機會！
小編自上年九月開始訂閱幾期，今期會真係最後一期為大家開箱 XD 揭開廬山真面目(╯✧∇✧)╯
上期4月號回顧
https://www.gtm.hk/all/my-little-box-2023-apr/
5月號 WHY NOT?
My Little Box 5月號以 WHY NOT? 為主題。點解唔試下…
- 一次過着5種以上嘅顏色上身
- 用全日時間享受陽光
- 一整日都淨係考慮點扮靚啲 沉浸喺美麗中
你心諗：「好似有啲太衝動喎」今個月My Little Box向習慣 say NO 嘅大家發起挑戰！點解唔試下追求自己鐘意嘅事，想做就做？
因為任何個性都係屬於你嘅魅力 (,,・ω・,,)
小編都幾鐘意咁有鼓勵嘅一期，配合主題嘅商品又會係咩呢？今期都係以紙箱包裝，帶畀我哋嘅主要係護膚品同小雜貨，一齊打開睇睇~
5月主題小冊子同樣列出咗產品詳情介紹，今期仲有一個小小心理測驗：
「你現時最想改變嘅部分係？」
A. 眼睛
B. 唇
C. 眉毛
D. 髮型
E. 香水
揀定咗先拉去下面睇答案~
A. 眼睛－熱情又自信
選擇想改變眼睛嘅你，係個朝著目標直奔前進嘅人。可以用濃密眼線筆同睫毛膏增強眼睛嘅印象，令你閃閃發光嘅眼睛更加突出。
B. 唇－社交氣氛製造者
選擇想改變嘴唇嘅你，性格隨和開朗，與生俱來嘅溝通能力令你吸引到周圍嘅人。建議用唇油同唇線筆等產品締造各種類型嘅嘴唇，以吸引更多注意力。
C. 眉毛－可靠堅固
選擇想改變眉毛嘅你，係一個聰明冷靜嘅領導者，會受到許多人嘅關心同信任。可以關注多啲流行嘅眉型同眉毛產品，例如眉毛層壓、彩色眉膏。
D. 髮型－淳樸細膩嘅浪漫主義者
選擇想改變髮型嘅你，係個重視自己世界觀嘅人，性格溫和、擅長緩和氣氛。盡情享受改頭換面嘅樂趣，例如剪短頭髮 或者嘗試鮮明色調髮色。向前邁出一步，你應該能夠更接近你嘅理想。
E. 香水－熟練嘅完美主義者
選擇想改變香水嘅你，注重細節、完美主義，時尚觸覺敏銳而有品味同風格嘅你係每個人都羨慕嘅對象。你可以使用唔止一種香味，而係根據心情或場合使用不同嘅香水來改變心情，你嘅魅力都會因為咁而大大提升。
準唔準見仁見智，但都幾有趣(ﾉ∀`*)
睇返單品嘅部份，打開布袋首先會見到大大支嘅 VT Cica Vital Essence，100mL 貨裝尺寸，韓國製造，韓國產品好似喺 My Litlle Box 中比較少見，官方售價係¥ 2,979。
標榜以微酸性嘅CICA 維他命C 配方調節肌膚酸鹼平衡，溫和滋潤敏感肌膚，同時改善暗沉，恢復肌膚原有光澤，通向透亮肌膚。
質地比較杰身，推開之後仍然會見到一層嘅感覺，需要多少少時間先可以令到全面都吸收。
官方指日常喺用完爽膚水後薄塗全面就可以，乾燥肌小編暫時用落冇太大感覺好定唔好，冇特別極保水 但又維持到皮膚狀態，可能要持續用一排(･ω´･ )
另外佢指可以厚塗喺集中美白同護理嘅部位，呢個可以遲啲試下～
第二樣係 ANESSA 全效濾光活膚UV乳液 30mL，ANESSA係防曬界中出名嘅大牌子，日本製造，呢個款式標榜防曬之餘仲可以保持皮膚緊緻同保濕。
而家夏天收到 啱啱好同陽光玩遊戲～
第三件有 MAYBELLINE Hyper Easy Eyeliner，佢係偏軟嘅凝膠眼線筆，指1.5mm超細芯頭可以好簡單就畫到極幼嘅眼線，加入咗摩洛哥堅果油 顯色度高又唔易折斷，防水防暈漸。
今次收到嘅會係BR-1 深棕色，有常用嘅顏色 而且仲要係德國製造！
試上手確實好容易就可以畫到好幼嘅線條，畫想畫嘅粗度比往容易。
▲ 但就咁唔小心用手指捽咗一下已經冇咗一半，實在令人好難相信佢嘅持久度(›´ω`‹ )
額外仲有一件係冇喺今期list之中，睇返紙仔先知原來係每個月會抽一啲客戶嚟送出隨機產品◝( ﾟ∀ ﾟ )◟
今次收到嘅會係mgb skin LIP SLEEPING MASK 睡眠唇膜，官方售價會係¥2,200，會可以喺你睡眠之中去除唇上多餘嘅死皮，令嘴唇一早起身就已經好光滑～
▲ 感覺同以往用過嘅唇膜大同小異～
嚟到My Little Box 自家出品，每次盲盒都會加入1 – 3件自家出品，多數以雜貨飾品為主。
5月份開始升溫，試下大膽嘅配色同誇張嘅飾品嚟展示自己。今期得一件 但尺寸都唔細，會係一套手鍊套裝，呢個風格第一下望落覺得好難襯(๑´ㅁ`)確實大膽
但戴上手後發現其實冇想像中咁浮誇，配一啲復古或者型啲味道嘅衣著或者都會適合。可能同今期主題一樣，點解唔試下✧◝(⁰▿⁰)◜✧
▲ 靜靜雞植入式Soil人仔
今期產品都係唔算多，但收到嘅品牌都係幾有名氣 穩陣之選 ⎝( OωO)⎠ 今個月你都辛苦了～
My Little Box 日本官網
https://www.mylittlebox.jp/
My Little Box 2023年5月號盲盒內容－官方發佈版
https://www.mylittlebox.jp/box/why-not
日本其他網站 | 人手報價
https://www.gtm.hk/shop/mxj/
