呀……唔制呀！唔制呀！唔制呀！我都未去旅行（拍檯）架機未走呀？！點解佢哋唔批假……（卧在地上打滾）
隨著各地旅遊政策放寬，大家都逐漸浮起返去旅行嘅心，推薦返三年冇見嘅旅行神器MOGICS Super Bagel！
旅行神器 有幾神啊？
去旅行最煩嘅其中一樣嘢就係要帶唔同款式轉插同唔夠插蘇位 ( •́ὤ•̀) 但呢個MOGICS Bagel 有獨特圓型設計，令到插頭唔會撞埋一齊，除左5個轉插位之外 仲有2個USB位畀你充電。上年佢哋再出咗新版Super Bagel，其中一個USB位轉為type-c位方便ios用戶，今次開箱嘅就會係最新嘅Super Bagel~
一打開首先係中英說明書 同用保護殼包住嘅本體，個拉鏈保護殼好實淨好靚仔，質地都幾厚實 唔怕跌壞入面嘅零件，想用嚟裝其他嘢都冇問題～
唔好睇佢細細粒咁，呢個轉插已經蘊藏晒大家常用嘅四款插頭(╯✧∇✧)╯平時去開嘅台日韓泰歐呢啲地方全部都冇問題！
首先拆條線出嚟已經係最直接可以用嘅兩腳插頭，呢款Type A 兩腳扁型插頭喺台灣、日本、美國、中國、加拿大都啱用~
如果兩腳插唔啱使就可以再加埋轉插，本體嘅中間會係可以推出嚟嘅轉插，推出嚟時只要用兩隻手指公向上用力就可以推到～
中間嗰格推出嚟就會係歐洲規格雙腳圓型插頭（Type F），大部分歐洲地區例如法國、德國、義大利 同埋韓國都係用緊呢種。
部分歐洲國家嘅插座會比較深（Type C/J/L/N），只要再逆時針轉隻腳嘅頂部就可以伸長 ٩(◦`꒳´◦)۶
另外大家喺香港最常用到嘅UK英國規格三腳插（Type G）就會需要再用指甲勾一勾埋上面嗰隻腳轉出嚟～
如果想收返起轉插，會需要推起住底部紅色掣先可以收返㗎，夠晒安全！
將啱用嘅轉插插返喺兩腳插頭嗰邊就可以使用，Bagel內有 92cm Extension 可以好似拖板咁 方便拎遠少少用，之後就可以圍住個Bagel嚟使用想用嘅電器～
Super Bagel中嘅5個轉插位會有一個係Type A 兩腳插頭，其餘4個就插邊款都可以，如果5個位都唔夠 仲有1個USB位同1個type-c位，去旅行嗰陣電話相機電腦充電器全部一齊用都冇問題！
使用嘅時候USB位會着藍燈，表示已經通電٩(｡・ω・｡)و
夠輕身又細個方便攜帶，去旅行嗰陣唔使同旅伴爭插蘇位已經係和諧旅行嘅一大步(✧≖‿ゝ≖)
小編私伙都買咗一個，唔去旅行嘅時候都可以用嚟轉換屋企嘅外國電器～
如果唔需要用Type-C位嘅話買舊版嘅Power Bagel會相宜少少，真係居家旅行必備良品嚟㗎！
Mogics Power Bagel｜$299 – $349
https://www.gtm.hk/shop/mogics-power-bagel/
Super Bagel
－專利圓形設計，多個插座並存不衝突
－直徑83 × 高31mm
－重118g
－4個通用插座(美國、歐州、英國、香港、澳門、台灣通用) + 1個美國插座
－USB Type-A X 1 + 1 X USB Type-C (18W/20W(share))
－7A FUSE
－92cm延長線
－中間收納國際通用規格轉插MA1（US轉UK, AU, EU(C,F)）
－功率限制：1500W @240V 或 750W @120V
－產地： Designed in Singapore. Assembled in China.
