踏入10月尾，今年終於開始有啲涼意 入秋啦(੭ ᐕ)੭ 雖然香港仍然正常發揮 保持中午著短袖都係會出汗嘅溫度，但其實你嘅皮膚已經率先感受到秋冬嘅到來，因為佢漸漸開始乾燥甩皮了！！！
除咗保濕面霜同潤唇膏，hand cream都係不可缺少嘅秋冬好物。揀選hand cream 呢類消耗物不如嚟個新嘗試，試下NANACOSTAR呢個日本牌子啦～
NANACOSTAR 娜娜子星定那那過山車
日本牌子NANACOSTAR 本身主要係一個天然護髮品牌，品牌理念係希望大家喺日常生活中都可以保持到好似喺salon啱啱造型完 一照鏡眼前一亮嘅感覺。
開發產品嘅工作人員係每年服務超過一萬位顧客嘅美髮師，根據佢哋親身喺salon工作嘅經驗，精心挑選優質成分同植物元素打造最適合客人嘅產品，調配生活中嘅刺激感，令大家每日keep住salon級靚樣嘅同時一樣可以有小驚喜。
髮型產品牌子踩過界做埋Hand Cream 莫非係新一代YAMAHA
既然NANACOSTAR 係一個護髮品牌，咁hand cream關佢咩事呢( •́ _ •̀)？聽落好似大纜都扯唔埋，但諗真啲其實護髮同護手都係需要保濕，可能NANACOSTAR 嘅人都係咁諗，既然研究開就開發一種手髮兩用嘅護手霜喇！
NANACOSTAR Hand Cream 含有Murumuru Butter植物油同蛋白聚醣等嘅成份，Murumuru Butter有高保濕作用，而且可以迅速被皮膚吸收(✪ω✪) 正正因為容易被吸收，所以亦唔容易塞住毛孔㗎，加上蛋白聚醣容易深入角質層，滋養手部肌膚之餘仲可以鎖住水分！
而且可以當埋Hair Treatment 咁用，搽喺頭髮度嘅話可以修護髮尾開叉同防乾燥靜電添，搽完手可以順便搽埋髮尾，輕鬆呵護秋冬乾旱 d(`･∀･)b
開嚟見我(`･∀･´)睇睇實物先
首先五款香味嘅顏色已經好少女好搶眼，有個紙外盒包裝，送禮都唔會失禮。容量30g細細支，大約一個手掌心長，帶佢出街都相當方便。每支嘅背面除咗寫明係日本製 made in Japan 同使用方法外，頂部仲特設一個寫名位，同朋友用同一款味都唔怕撈亂～
▲ 小編即刻寫低咗個名先，就算支hand cream傳嚟傳去咁用都可以返返手上！
Murumuru Butter 中文名其實係叫木魯星果棕脂，雖然比較少聽聞 但一查發現其實係比耳熟能詳嘅乳木果油具有更深層嘅保濕功效㗎 (っ●ω●)っ而蛋白聚醣具有強滲透力 可以滲透到角質層，令皮膚長時間保持水分、增強緊緻度同光澤度。
搽嘅時候發現佢嘅開口會係比較細嘅，會容易啲控制用量，上手感覺會係偏清爽嘅乳霜質地，搽緊嘅時候好容易就捽開到全對手同融入皮膚，之後會有薄薄一層包裹住手嘅感覺，但因為真係只係好薄嘅一層 所以繼續做其他嘢都唔會受影響的，就好似依家打緊字嘅我 搽完照摸滑鼠同keyboard都唔會覺得黏笠٩(｡・ω・｡)و
除咗滋潤度之外，hand cream嘅氣味都好重要，NANACOSTAR有五款香味選擇(•ㅂ•)/
RED 紅色：Honeysuckle Fruit 金銀花果實
金銀花一聽個名覺得好清熱，但其實Honeysuckle仲有個譯名叫忍冬，係連Jo Malone都有選用提取嘅香味嚟㗎 (｢･ω･)｢
實際聞落第一下覺得係偏甜，但搽開後會係清新嘅花果香味，同事普遍覺得味道有啲偏重，用量可以少啲～
ORANGE 橙色：Orange Bergamot 鮮橙佛手柑
香味係清新嘅柑橘味道，柑橘味一向都係大家揀選hand cream時嘅穩陣之選，但呢種草本感覺示必人人都鐘意，但鐘意舒服清爽氣味首選呢款，男仔都一樣啱用！
YELLOW 黃色：Greentea Grapefruit 綠茶西柚
一搽就有濃濃西柚柑橘味，雖然唔係太感受到綠茶嘅味道，但可能佢暗地裹發揮咗作用，比起一樣係柑橘味嘅橙色Orange Bergamot款味道相對柔和同偏甜～
GREEN 綠色：Greenapple Rose 青蘋果玫瑰
溫和嘅青蘋果同華麗玫瑰嘅結合，但試起身好似並冇聞到太多嘅青蘋果味，主要會係玫瑰嘅味道，呢種感覺好似洗頭水同護髮素嘅香味(*´∀`)
洗完手仍然會聞到淡淡嘅佢，容易令人接受嘅清新花香！
PURPLE 紫色：Peony Umbermusk 牡丹麝香
麝香會係小編揀香水香薰時會特別關注嘅元素，基本上有麝香或者白麝香嘅產品都唔會難聞得去邊（小編主觀諗法 •́ ▾ •̀ ），而今次都一樣係信心保證，甜美花香會相近於坊間嘅淡香水味，溫柔氣質女子味！
▲ 最多同事推薦會係「Peony Umbermusk 牡丹麝香」，同事評價呢種甜美嘅香味係小機心偽體香 (✿∂‿∂✿)
唔好忘記佢除咗係hand cream之外，仲標榜可以係hair treatment！小編拎起一束乾旱嘅髮尾實測，搽咗之後好似真係有順滑咗咁，不過唔排除只係因為整濕咗梳順咗(´◓Д◔`) 不過過咗一陣好似都仲保持到就當佢真係有效 過關啦！
而且帶埋出街可以一石二鳥咁用 ，尤其現代女孩子們都鐘意帶小廢包出街 都一樣可以喺街護髮，便攜就是王道～
Hand Cream同護膚品一樣，唔試過好難知道適唔適合自己(ゝ∀･)
日本製又咁多香味選擇，襯依家開團大家買返幾枝返嚟試下啦～
NANACOSTAR Hand Cream｜$69
https://www.gtm.hk/shop/nanacostar-hand-cream/
